ASOPORCEL Asociación de Criadores de Porco Celta

A Asociación de Criadores de Gando Porcino Celta (ASOPORCEL), nace o 19 de xaneiro 1.999, o 24 de marzo de 1.999 é recoñecida como asociación de ámbito autonómico. Posteriormente é recoñecida como entidade colaboradora da Consellería do Medio Rural e subrogada por ésta, a xestión do Libro Xenealóxico da Raza Porcina Celta.

A súa principal finalidade é a de recuperar, preservar, fomentar e difundir a raza autóctona Porcina Celta para a súa producción en réxime tradicional, así como preservar os recursos xenéticos da mesma.

Esta raza, a principios do século XX, era a máis importante en Galicia, sufrindo a partir de entón unha importante reducción debido á importación de razas exóticas e polo cruzamento destas.

Baixo o amparo de ASOPORCEL, o proxecto avanza consistentemente, implicando a todos os sectores: productores, transformadores, matadoiros e distribuidores.

Esta asociación de ámbito galego ten o rango de entidade colaboradora da Consellería do Medio Rural

Co gran crecemento da asociación, que na actualidade conta o redor de  285 socios dispersos pólas 4 provincias da Comunidade Autónoma de Galicia, é necesario facer gran cantidade de viaxes as distintas explotacións para supervisar, realizar os distintos controis para o Libro Xenealóxico, recoller os datos necesarios, facer as labores de identificación e valoración dos exemplares para os distintos rexistros do Libro, recoñecemento e revisión de exemplares, asesoramento técnico os productores nas unidades de producción para dirixir os cruces dentro da raza pura para evitar a consaguinidade, vincas, etc.